Bwletin Ward Talysarn
Ionawr – Mawrth
2006
Dewisiwch un o'r is-deitlau isod er mwyn ymweld â'r
pwnc priodol:
1. Clwb
Silyn
2. Helfa
Drysor
3. Canolfan
Cymdeithasol Talysarn
4. Llys
Llywelyn
5. Ymddiriedolaeth
Tir Cymunedol
6. Planning
for Real
7. Glasfryn
8. Draenen
y Nant
9. Hyfforddiant
10. Dyddiadau
Cyfarfod y Bartneriaeth 2006
Clwb Silyn
Mae Clwb Silyn erbyn hyn bron yn ddwy oed ac yn dal
i fynd o nerth i nerth. Maent wedi bod yn cyfarfod yn
fisol yng Nghapel Hyfrydle oherwydd i’r Ganolfan
orfod cau er mwyn adeiladu’r estyniad newydd sbon
arno. Maent wedi cael arian er mwyn prynu peiriant ‘Bingo’ i
ddiddanu eu hunain ynghyd â set bowlio tu mewn
a chael llestri a nwyddau coginio i’r clwb er mwyn
eu defnyddio yng nghegin newydd y Ganolfan. Maent hefyd
am gynnal ‘Pantomeim’ yn y Ganolfan nes at
y Nadolig.
Mis diwethaf fe ddaeth criw o BBC Cymru i’r clwb
er mwyn gwrando ar straeon oedd gan yr aelodau i’w
dweud am eu bywydau yn Nhalysarn. Difyr iawn oedd darllen
rhai ohonynt ar y wê.
[ Yn ôl i'r Top ]
Helfa Drysor
Trefnwyd dwy Helfa Drysor gan Catrin Meirion, Swyddog
Gwerthuso, un yn Nhalysarn a’r llall yn Nantlle
fis Chwefror, gan ddenu pobl allan am hwyl a sbri, a
chael syniadau ganddynt wrth iddynt geisio dyfalu’r
helfa a chael hyd i’r trysor. Diolch i’r
Bandroom ac i Lys Llywelyn am drefnu lluniaeth ysgafn
yn dilyn yr helfa.
Yr enillwyr yn Nhalysarn oedd:
1af – Martin,
Nicola, Sean a Joe
2ail – Stephanie, Emma, Peter
a Lynne
3ydd – Manon, Sarah, Gracie,
Eleri a Mari
4ydd – Elan, Kelly, Sioned,
Teleri a Catherine
A’r enillwyr yn Nantlle
oedd:
1af – Ffion, Elan a Cian
2ail – Margaret, Dylan a Floyd
3ydd – Paul, Catrin a Osian
4ydd – Glyn, Les a Peter
[ Yn ôl i'r Top ]
Canolfan Cymdeithasol Talysarn
Mae’r Ganolfan erbyn hyn yn barod. Wedi’r
holl waith a’r disgwyl mae’r Ganolfan yn
barod i’w ddefnyddio. Am fwy o wybodaeth cysylltwch â Carys
Pritchard neu Tom Coleman, fydd yn barod iawn i’ch
helpu.
[ Yn ôl i'r Top ]
Llys Llywelyn
Mae Llys Llywelyn yn dal i fynd o nerth i nerth gyda
amryw o ddigwyddiadau yn cymeryd lle yno. Mae’r
pwyllgor yn gweithio’n galed iawn yn codi ymwybyddiaeth
Canolfan Llys Llywelyn drwy gynnal ymgynghoriad ac wedi
cael côr lleol, sef Côr Lleisiau Mignedd,
i ganu yno fis diwethaf. Noson braf a hwyliog ydoedd
er bod y glaw yn tywallt y tu allan! Roedd y lluniaeth
oedd ar gael wedi’r canu yn fendigedig fel arfer.
[ Yn ôl i'r Top ]
Ymddiriedolaeth Tir Cymunedol
Cynhaliwyd cyfarfod cyhoeddus gan Grwp Ymddiriedolaeth
Tir Cymunedol Dyffryn Nantlle ar nos Lun 13 Mawrth 2006
er mwyn creu ymwybyddiaeth a chael cefnogaeth y gymuned
i geisio datblygu rhan o Gloddfa Glai, sydd gyferbyn â’r
cae chwarae yn Nhalysarn, yn safle i adeiladu tai fydd
yn fforddiadwy i bobl yr ardal.
[ Yn ôl i'r Top ]
Planning for Real
Cynhaliwyd Rhaglen Hyfforddiant arbennig iawn "Planning
For Real" yn Llys Llywelyn ddechrau Mawrth eleni.
Cymerodd 18 o bobl lleol ran yn y rhaglen oedd yn dangos
y ffordd i’r gymuned gael dweud ei dweud trwy adeiladu
model o’r ardal maent yn byw ynddi. Mae’r
grwp gymerodd ran yn y rhaglen wedi cytuno i gynnal ymgynghoriad
cyhoeddus yn Nhalysarn a Nantlle trwy ddefnyddio dulliau
Planning For Real. Bydd hyn yn gyfle i weld sut bydd
eich pentref delfrydol yn edrych.
Mae’n bwysig bod pawb yn cymeryd rhan!
[ Yn ôl i'r Top ]
Glasfryn
Treuliodd 36 o bobl ifanc Talysarn a Nantlle noson arbennig
yng Nghanolfan Glasfryn, Y Ffôr, Pwllheli nos Fercher
8 Mawrth 2006.
Bwriad y noson oedd casglu gwybodaeth a syniadau er
mwyn cynllunio gweithgareddau fyddai yn adeiladu potensial,
datblygu sgiliau a magu hyder y tô yma.
Wedi treulio mwyafrif o’r noson yn ystafell gynhadledd
y Ganolfan yn dweud eu dweud, cafwyd diweddglo ysgafnach
i’r noson gyda gêm o fowlio deg.
Roedd y gweithwyr sy’n gweithio ar raglen benodol
Pobl Ifanc y Bartneriaeth yn hapus iawn gyda’r
ymateb ac mae dilyniant i’r noson yma wedi ei drefnu
i flaenoriaethu’r syniadau a gasglwyd fel rhan
o ddigwyddiad cyntaf yng Nghanolfan Cymdeithasol Talysarn
15 Ebrill 2006.
[ Yn ôl i'r Top ]
Draenen y Nant
Mae Draenen y Nant wedi derbyn arian o’r "Trust
Fund" er mwyn gwneud ymchwil i gyfleon Pobl Ifanc
i gael swyddi yn y maes awyr agored.
[ Yn ôl i'r Top ]
Hyfforddiant
Cysylltwch â Dafydd Williams neu Wena Roberts
yn swyddfa’r Bartneriaeth os ydych â diddordeb
mewn unrhyw fath o hyfforddiant.
[ Yn ôl i'r Top ]
Dyddiadau Cyfarfod y Bartneriaeth 2006
Mai 8: Llys Llywelyn, Nantlle
Mehefin 5: Canolfan Cymdeithasol Talysarn
Gorffennaf 3: Llys Llywelyn, Nantlle
Medi 4: Canolfan Cymdeithasol Talysarn
Hydref 2: Llys Llywelyn, Nantlle
Tachwedd 6: Canolfan Cymdeithasol Talysarn
Rhagfyr 4: Llys Llywelyn, Nantlle
[ Yn ôl
i'r Top ] |
