Mai
15 - 22, 2004
 Er budd Apêl Ambiwlans Awyr
ac achosion lleol
Diolch yn fawr i bawb fu'n cefnogi
Sadwrn Mai 15
Cychwynnodd 25 o feicars o Benygroes ychydig wedi
9.00 y bore ar daith o amgylch yr Wyddfa. Roedd y tywydd
yn ffafriol ac ar ôl cyrraedd Pen y Gwryd roedd
pawb yn haeddu llymaid bach i dorri'r syched. Diolch
i'r holl ffrindiau, teuluoedd a chwmniau fu yn noddi'r
daith - roedd y criw yn haeddu cefnogaeth.
 Sul Mai 16
Tommy Hildige oedd enillydd
y darian a gwobr gyntaf y twrnament bowlio eleni gyda
Fred Stansfield yn ail teilwng. Owain enillodd
y twrnament i ddechreuwyr ac Aled yn ail. Diwrnod da
am liw haul ger y lawnt bowlio ac roedd mynd ar y byrgars
a'r cwn poeth.
Noddwyd y twrnament gan Ali Pali.
Llun Mai 17
Diolch i Owain Llyr am gytuno i ddod yr holl ffordd
o'r Bala at Rhodri i'r Neuadd Goffa, Penygroes i baratoi
disgo i'r plant. Roedd y ddau DJ wedi plesio
a phawb wedi mwynhau noson hwyliog iawn.
Mawrth Mai 18
Ar noson braf o fis Mai daeth oddeutu 80 o bobl a
phlant yr ardal i gystadlu yn yr Helfa Drysor o amgylch
pentref Penygroes. Nora, Dianne a Gary enillodd
y wobr o docyn mynediad i'r Hwylfan Caernarfon. Diolch
i Wendy am baratoi'r helfa ac am y wobr.
Iau Mai 20
John Ogwen oedd y Meuryn ffraeth yng ngornest Talwrn
y Beirdd yn y Neuadd Goffa. Roedd tri tim yn
cystadlu a'u gorchestion yn werth eu clywed fel arfer.
Diolch i'n haelod cynulliad Alun Ffred Jones am drefnu'r a chymeryd cyfrifoldeb
am y noson yng nghanol ei brysurdeb ac os sylwch ar lun y beicars - roedd yn
un o'r rhai hynny hefyd!
Diolch i Dewi Rhys a Magi am drefnu'r Cwis Tafarn
yn y Goat. Cytunodd pawb ei bod yn 'Noson dda'
yn enwedig tim y 'Bar Wallies' ddaeth yn gyntaf.
Gwener Mai 21
Cafwyd noson arbennig ynYsgol Dyffryn Nantlle gyda
plant yr ysgolion lleol dan arweiniad y darlledwr 'Kev
Bach'. Llywydd y noson oedd - Hywel Williams
AS sydd wedi cefnogi llawer ar achos yr ambiwlans awyr. Diolch
i'r ddau am ddod atom a diolch i'r plant a'r athrawon
am eu hamser a'u doniau.
Sadwrn Mai 22
‘Sbri yn Sgwar y Farchnad’ yn yr haul, fu hanes dydd
Sadwrn olaf yr Ŵyl eleni. Diolch i'r stondiwyr
am gefnogi, i'r plant am gymeryd rhan y gystadleuaeth
gwisg ffansi a'r carioci, ac i Seindorf Arian Dyffryn
Nantlle am ymuno a ni. Diolch i bawb ddaeth yno i gefnogi'r
gweithgareddau ac i sicrhau diweddglo llwyddiannus
i'r Ŵyl.
Llun: Iwan
Williams, Cadeirydd Gŵyl Fai Dyffryn Nantlle yn
cyflwyno siec am £5,000 i gynrychiolydd o dîm
Ambiwlans Awyr Cymru yn dilyn Gŵyl
Fai 2004. |
