Camu ‘mlaen
yn Nyffryn Nantlle yn 2006
 Beth
am ddechrau newydd i’r flwyddyn newydd? Beth
am gerdded ym mro eich hunain a mwynhau eich ardal
bleserus gyda golygfeydd godidog o’r mynyddoedd,
cefn gwlad a’r arfordir. Yn Nyffryn Nantlle
mae 9 o lwybrau wedi eu clustnodi gydag arwyddion
o berson yn cerdded gyda chalon goch. Mae’r
llwybrau ar eich stepan drws yn dilyn ffyrdd, llwybrau
neu’n mynd ar draws gaeau. Maen’t yn
cylchdroi gyda gwahanol bellteroedd sef 1-2 milltir,
rhai rhwng 2-2.5 milltir a rhai dros 2.5 milltir.
Beth am fynd ar hyd Llwybr Cilgwyn gyda golygfeydd
hardd o’r Wyddfa a’r arfordir, neu dilynwch
y cylchlwybr byr trwy Bentref Penygroes a’r
cefn gwlad cyfagos.
Mae’r
llwybrau yn addas i bawb gan gynnig cyfle i unigolion
sydd eisiau gwella eu ffitrwydd. Dylech anelu at
gerdded yn weddol gyflym am hanner awr yn ystod y
rhan fwyaf o ddyddiau’r wythnos. Dylai plant
anelu at 60 munud o weithgaredd y diwrnod ac mae
cerdded yn cynnig cyfle hawdd i wella iechyd. Os
byddwch yn pryderu ynglyn â chychwyn ymarfer
yn rheolaidd, gofynnwch i’ch meddyg teulu am
gyngor.
Mae
cerdded yn gwneud i chi deimlo’n dda gyda mwy
o egni, felly beth am gerdded fel teulu neu gyda
ffrindiau gan fwynhau dechrau newydd yn 2006.
Am
fwy o wybodaeth, holwch yng Nghanolfan Dechnoleg
Antur Nantlle, Penygroes, neu edrychwch am fanylion
yn eich siop leol
Ariannir
y prosiect gan Gyngor Cefn Gwlad Cymru, Y Loteri
Fawr a’r Sefydliad Brydeinig Y Galon. Cydlynir
y prosiect gan Sefydliad Bwyd, Byw’n Heini
a Maethiad, Cymru (ifanc), Prifysgol Cymru Bangor
mewn partneriaeth gyda Bwrdd Iechyd Lleol Gwynedd,
Gwasanaeth Iechyd Cyhoeddus Cenedlaethol Cymru ac
Antur Nantlle. |
