Sefydlu Uwch Adran
/ Aelwyd
Mae’n fwriad gan yr Urdd gychwyn Uwch Adran/Aelwyd
ar gyfer pobl ifanc ardal Dyffryn Nantlle. Gobaith y
cynllun yw cynnig amrywiaeth o weithgareddau wythnosol/pob
pythefnos ar gyfer pobl ifanc dros 12 oed, ac i gael
tîm o bobl ynghyd i redeg yr Adran. Byddai hyn
yn osgoi rhoi pwysau gormodol ar unigolyn, ac felly bydd
modd cynnig gweithgareddau hwyliog o bob math i ieuenctid
yr ardal drwy gyfrwng y Gymraeg.
Mae rhaglen o weithgareddau yn cael eu cynnig i Uwch
Adrannau Rhanbarth Eryri eisoes a’r gobaith ydi
bydd aelodau’r Uwch Adran/Aelwyd Dyffryn Nantlle
yn ymuno yn y gweithgareddau yma. Mae Uwch Adrannau/Aelwydydd
llwyddiannus iawn wedi eu sefydlu ers nifer fawr o flynyddoedd
yn Chwiliog, Llithfaen a Bethel ac Uwch Adran newydd
ym Mangor. Fel mae nifer fawr yn cofio bu Aelwyd yr Urdd
lwyddiannus ym Mhenygroes yn y gorffennol.
Mae cyfarfod anffurfiol wedi ei drefnu er mwyn sefydlu’r
cynllun cyffrous hwn yn Ysgol Bro Lleu ar Nos Lun Gorffennaf
17 am 7.30 o’r gloch.
Os am unrhyw wybodaeth pellach cysylltwch a Guto Williams,
Swyddog Datblygu Eryri (01248 672102 / guto@urdd.org)
neu Sulwen Roberts, Ysgrifennydd Cylch Dyffryn Nantlle
(01286 831401 / 07780 633971/ sulwen@cym.ro). |
