Mai
10 – 18, 2008
Wrth rannu dros £6,500 yn nhafarn y Goat Penygroes yn ddiweddar, anodd yw credu
fod Gŵyl Fai Dyffryn Nantlle wedi cychwyn nôl ym 1995
ac wedi casglu mwy na £70,000 i achosion da ers hynny.
Eleni cyflwynodd yr Ŵyl £5,000 i Ganolfan Niwroleg Walton a rhannwyd £1,300 i
achosion lleol. Penderfynodd y pwyllgor gefnogi Canolfan
Walton er cof am Guto Williams, un o blant y Dyffryn,
fu farw yno’n 16 oed yn dilyn damwain fis Awst y llynedd.
Er mwyn dangos eu gwerthfawrogiad o’r gefnogaeth a
gafodd ei deulu gan feddygon a staff yr ysbyty, bu
hwythau hefyd yn casglu arian i’r Ganolfan. Teithiodd
dau Ymgynghorydd a nyrsys o Lerpwl i gyfarfod Gwynfor
a Nesta Williams, rhieni Guto, a’r teulu yn y Goat
ac i dderbyn siec o £8,108 ganddynt. Roedd £2,000 eisoes
wedi eu hanfon i’r gronfa o wahanol ffynonellau sydd
yn gwneud cyfanswm terfynnol o £15,000 fydd yn cael
ei ddefnyddio i brynu offer holl bwysig fydd o fudd
i’r uned yn y dyfodol.
Bu’n wythnos lawn o weithgareddau
eleni eto a chychwynnodd pethau gyda thaith feics noddedig
35 milltir. Trefnodd staff y llyfrgell grefftau i’r
plant bach a chafwyd dawnsio disgo yn Neuadd Goffa
Penygroes. Aeth yr wythnos ymlaen gyda helfa drysor
a noson o ddramâu gyda dau gwmni lleol yn actio sef
Brynrhos a’r Plant Afradlon a Lleisiau Mignedd yn canu.
Yna, daeth beirdd yr ardal ynghyd i ymryson yn Nhalwrn
y Beirdd gyda Mei Mac yn feuryn ac Alun Ffred yn cadw’r
sgôr. Yn ogystal â hyn, cafwyd cwis tafarn, bingo,
noson gomedi gyda Tudur Owen, Beth Angell a Dewi Rhys,
twrnamaint bowlio a golff a rali motor beics. Agorodd
Band Nantlle'r ‘Sbri yn Sgwâr y Farchnad’ a gwahoddwyd
pawb i wario ar y stondinau, peintio wynebau, cystadlu
ar wisg ffansi a chwarae gemau.
Mae llwyddiant Gŵyl Fai
yn profi fod cymdeithas fywiog a thrigolion caredig
a hael yn Nyffryn Nantlle. Mae’r pwyllgor yn gwerthfawrogi
pob cefnogaeth, cyfraniad a nawdd a gafwyd, ac edrychir
ymlaen yn eiddgar am ŵyl arall brysur yn 2009.
Digwyddiadau Gŵyl Fai 2008
Sad Mai 10
Taith Feics Noddedig -
Taith oddeutu 40 milltir.
Llun Mai 12
6.30
– 8.00pm Disgo John Pritchard yn arbennig i blant
hyd at 11
oed yn
Neuadd Goffa Penygroes.
Mawrth Mai 13
6.00pm
Helfa Drysor mewn car i’r teulu. Cychwyn o Ganolfan
Cymdeithasol Talysarn.
Mercher Mai 14
7.30pm
Noson ddrama yn Neuadd Ysgol Dyffryn Nantlle. Cwmni
newydd Plant Afradlon / Cwmni Brynrhos a Lleisiau Mignedd. Iau Mai 15
7.30pm Talwrn
y Beirdd yn Neuadd Goffa Penygroes. Meuryn - Mei
Mac. 3 tîm yn cystadlu.
9.00pm Cwis Tafarn yn
y Goat dan ofal Rhys a Iolo. Gwener Mai 16
Noson
Bingo i’r teulu yn Neuadd Ysgol Dyffryn Nantlle.
Sadwrn Mai
17
11.00am ‘Sbri yn Sgwâr
y Farchnad’. Stondinau, Band Nantlle a gweithgareddau
lu oedd yn cynnwys cystadlaethau Gwisg Ffansi (babanod
a cynradd)
beirniadu am 1:00pm, peintio wynebau, gemau a mwy
– digon o hwyl a haul.
8.00pm Noson Gomedi
– Tudur Owen, Beth Angell, Dewi Rhys yng Nghlwb Rygbi
Caernarfon.
Sul Mai 18
11.00am
Twrnament Bowlio – Clwb Ex-Service.
11.00am Rali motor
beics – o Ganolfan Cymdeithasol Talysarn. |
