Agoriad Swyddogol
Tŷ Iorwerth ~ Ebrill 2004
I ddathlu llwyddiant cynllun diweddaraf Antur Nantlle
Cyf. yn yr ardal, gwahoddwyd Mr lorwerth Hughes o Landudno
(Swyddfa'r Post Penygroes gynt) i berfformio'r seremoni
o dorri'r ruban yn agoriad swyddogol adeilad Tŷ lorwerth.
Roedd pawb yn gytûn fod dewis Tŷ lorwerth
fel enw newydd ar adeilad banc yr HSBC ym Mhenygroes
yn ddewis da yn enwedig o glywed anerchiad Mr Hughes
ar y 1af o Fawrth. Dan arweiniad Cadeirydd yr Antur,
Alun Ffred Jones AC, ac yng nghwmni cydweithwyr, cyfarwyddwyr,
cyfeillion a thenantiaid newydd, cafwyd agoriad swyddogol
haeddiannol ar ddydd Gŵyl Dewi. Cofiwch godi'ch
golygon wrth fynd i mewn drwy ddrws y banc i weld y
llechen gron sydd yn coffau'r amgylchiad.
 Llun: Iorwerth
Hughes ar y chwith ac Alun Ffred Jones ar y dde,
yn ystod Agoriad Swyddogol Tŷ Iorwerth.
Bachgen ifanc iawn oedd Mr Hughes yn dod i fyw i Benygroes,
pan ddaeth ei dad (hefyd yn Iorwerth Hughes) yn bostfeistr
i'r pentref. Yr oedd y Swyddfa Bost yr adeg honno yn
rhan o adeilad y banc a'r teulu yn byw uwchben. Roedd
atgofion melys a difyr ganddo am ei hen gartref er
mai prin yr oedd yn adnabod yr adeilad erbyn heddiw
- serch fod yr olygfa o ffenestri'r llofft am yr Eifl
a Chrib Nantlle yn dal yr un.
Drwy gydweithrediad banc yr HSBC llwyddodd Antur Nantlle
i brynu ac addasu'r adeilad trwy ddenu grantiau Cwlwm
Gwledig Cyngor Gwynedd, Cronfa Agregau Llywodraeth
y Cynulliad a Chronfa Grant Gwella'r Amgylchedd a Menter
Trefi a Phentrefi Bychan gan Awdurdod Datblygu Cymru.
Mae'r ddau lawr uchaf, oedd wedi bod yn wag ers blynyddoedd,
erbyn hyn yn cynnwys saith swyddfa safonol gyda mynediad
llawn i'r anabl. Gyda'r banc yn gweithredu o hyd ar
y llawr gwaelod, daeth tenantiaid newydd i'r swyddfeydd.
Mae Cymorth i Ferched Cymru yn brysur yn datblygu cynllun
newydd yno, Cris Jones yn cynnig gwasanaeth cyfieithu,
Ben Gregory gydag Ymgyrch Nicaragua yn Swyddfa 7 a
Chysylltiadau Gwaith yn Swyddfa 4 yn cynnig gwasanaeth
arbennig i'r di-waith.
Diolch i Mr Iorwerth Hughes am ei gyfraniad unigryw,
i Mr Ian Williams, Cyfarwyddwr Ardal yr HSBC am ei
sylwadau, i griw Cysylltiadau Gwaith am eu cymorth
ac am y lluniaeth, i'n noddwyr oll ac i bawb arall
fu'n cynorthwyo gyda'r gweithgareddau.
Arwyddair Antur
Nantlle yw 'Gweithio Er Lles yr Ardal'.
Os hoffech drafod syniadau ddaw a budd i Ddyffryn Nantlle
'rydym yn barod ac yn awyddus i wrando. Galwch heibio'r
Ganolfan Dechnoleg am sgwrs gydag aelodau'r staff neu
ffoniwch 01286 882688. |
