Arweinydd
poblogaidd yn ymddeol wedi 24 mlynedd
Yn
ddiweddar, bu i arweinydd o gôr poblogaidd a llwyddiannus
iawn o Ddyffryn Nantlle, sef Lleisiau Mignedd, sefyll
i lawr wedi 24 mlynedd o wasanaeth ffyddlon. Bydd Ceren
Owen - dirprwy presennol Maldwyn Parry i’r côr - yn
cymeryd y llyw.
Mae’r côr merched wedi
mwynhau sawl llwyddiant ers ffurfio ym mis Ionawr 1982,
yn cynnwys
buddugoliaethau yn yr
Eisteddfod Genedlaethol a sawl gŵyl gerdd Gymraeg. Maen’t
hefyd wedi ymddangos ar nifer o raglenni teledu poblogaidd
yn cynnwys Noson Lawen a Dechrau Canu Dechrau Canmol.
Ym
mis Mawrth 1997, bu i’r cor berfformio gyda Chôr Meibion
Dwyfor a seren yr Opera, Bryn Terfel, mewn cyngerdd yng
Nghapel Engedi yng Nghaernarfon. Ym 2001, i ddathlu penblwydd
y côr yn 21 mlwydd oed, lawnsiwyd eu CD cyntaf ar label
Sain, dan yr enw Cerdded Ar Hyd Y Llethrau.
Mae Maldwyn,
76, sydd wedi bod yn arwain y côr ers ei ddyddiau cynnar,
yn cadw ei atgofion melys o’i amser
fel arweinydd y côr yn agos i’w galon. Dywedodd wrth
Yr Herald: Herald: "Fe
ymunais i â’r côr dri mis wedi iddynt ffurfio. Rydym
ni wedi cael gymaint o hwyl. Mae’r uchafbwyntiau i mi
yn cynnwys ennill yn yr Eisteddfod Genedlaethol a mynd
i Iwerddon i gystadlu dri neu bedwar o weithiau."
"Mi fues yn arwain Côr Llais Cymysg Dyffryn Nantlle rhai
blynyddoedd cyn ymuno â Lleisiau Mignedd ac roedd yn
tipyn o her. Yn anffodus, rydw i wedi gorfod rhoi’r
gorau oherwydd Parkinsons a fy nghalon. Mae Ceren wedi
cymeryd
y llyw gan mai hi oedd y dirprwy, ac felly roedd yn
naturiol mai hi ddylai wneud hynny. Mae’r côr wedi
tyfu o tua
12 mewn nifer yn y blynyddoedd ers i mi gychwyn, i
bron iawn 30 erbyn i mi ymddeol. Cawsom hefyd y fraint
o berfformio
ochr yn ochr â Bryn Terfel. Byddaf yn cadw mewn cysylltiad
efo’r côr – amhosib fyddai peidio ar ôl yr holl flynyddoedd!" ychwanegodd.
Dywedodd Nesta Jones,
cadeirydd y côr, "Mae’n
amser emosiynol a byddem yn cynnal cinio ar Dachwedd
18fed fel diolch i Maldwyn am ei waith caled ac hefyd
i groeso Ceren. Mae Lleisiau Mignedd yn parhau i dyfu,
ac wedi’r Eisteddfod eleni mae wyth o aelodau newydd
wedi ymuno â ni sy’n dod a nifer ein aelodaeth i 37."
Meddai Ceren, sydd yn
wreiddiol o Benygroes ond yn awr yn byw yng Nghaernarfon
fod y rôl yn un galed ond
ei bod yn mwynhau’r sialens. Medd Ceren, sydd yn Bennaeth
yn Ysgol Pen y Bryn, Bethesda: "Wedi’r
Eisteddfod, penderfynnodd Maldwyn na allai gario ‘mlaen
a’i fod yn gobeithio y gallwn i gymeryd drosodd. Roedd
yn benderfyniad anodd i mi gan fy mod yn gwybod pa
mor brysur yw’r côr a faint o waith sy’n perthyn i’w
arwain.
Mae gennym ddau sesiwn recordio yn mis Rhagfyr ar gyfer
Radio BBC; bydd un ohonynt yn cael ei ddarlledu cyn
y Nadolig a’r llall yn y Flwyddyn Newydd."
"Mae gen i ddipyn o deulu yn y côr yn cynnwys fy mam,
dwy chwaer a chyfneitherod, felly ar adegau mae’n rhaid
i mi fod yn gâs efo fy nheulu fy hun! Rwy’n mwynhau
gweithio efo Nesta a Gareth y cyfeilydd," ychwanegodd.
Yr erthygl wreiddiol gan Lee Roberts, Caernarfon & Denbigh Herald - Tachwedd 17eg 2005
Llun gan Arwyn Roberts
|
