Fel
rhan o Brosiect Tai Fforddiadwy Gwynedd mae Ymddiriedolaeth
Tir Cymunedol Dyffryn Nantlle yn cydweithio gyda Chyngor
Gwynedd i geisio sefydlu natur yr angen lleol am dai
yn ardal Cyngor Cymuned Llandwrog.
Mae Ymddiriedolaeth Tir Cymunedol Dyffryn Nantlle (YmTic Dyffryn Nantlle) yn
grŵp tai cymunedol ddim er elw sydd wedi ei leoli yn
Nyffryn Nantlle.
Dywedodd Dafydd Watts,
Swyddog Datblygu YmTic Dyffryn Nantlle:
“Mae YmTic yn edrych ar
hyn o bryd ar safleoedd posib ar gyfer datblygu tai
i bobl leol sydd yn methu fforddio prynu tŷ ar y farchnad
agored. Mi fydd y rhan fwyaf o’r tai a ddatblygir yn
rhai i'w gwerthu am ddisgownt o bris y farchnad agored."
Mae YmTic wedi cael cefnogaeth
oddi wrth yr elusen y Tudor Trust a Chyngor Gwynedd
er mwyn ei helpu i ddatblygu ei syniadau.
Fel rhan o’r arolwg yma
bydd pob cartref yn yr ardal yn derbyn ffurflen arolwg
anghenion tai lleol. Pwrpas yr arolwg fydd darganfod
beth yw anghenion tai yn lleol yn ogystal â darganfod
faint o’r boblogaeth sydd mewn gwir angen tai fforddiadwy.
Dywedodd y Cynghorydd
Eric Merfyn Jones, aelod lleol ward Y Groeslon ar Gyngor
Gwynedd:
“Mae’n hanfodol i ddyfodol
ardaloedd fel plwyf Llandwrog fod darpariaeth ddigonol
o dai ar gyfer y boblogaeth leol.
“Mae’n bwysig iawn felly
fod trigolion lleol yn manteisio ar y cyfle yma i ddarparu
gwybodaeth am eu hanghenion tai, a byddwn yn annog
trigolion lleol i gynnig eu sylwadau ar anghenion tai
yn yr ardal.”
Ychwanegodd Aled Evans,
Swyddog Tai Fforddiadwy Cyngor Gwynedd:
“Byddem yn annog pob cartref
i gwblhau’r ffurflen arolwg oherwydd gall canlyniadau’r
gwaith fod yn gyfrwng i gefnogi a chyfiawnhau unrhyw
gynllun posib yn y dyfodol ar gyfer darparu tai fforddiadwy
i bobl leol.”
Bydd angen dychwelyd yr
holiaduron i Aled Evans, Swyddog Tai Fforddiadwy Cyngor
Gwynedd erbyn dydd Gwener, 27 Chwefror 2009.
Os am wybodaeth bellach
am yr arolwg yma, neu am Ymddiriedolaeth Tir Cymunedol
Dyffryn Nantlle, cysylltwch a Dafydd Watts, Swyddog
Datblygu, YmTic Dyffryn Nantlle ar 07970 574068 neu
drwy e-bost ar ymtic-dn@hotmail.co.uk.
|
